Den e fin di siman cu a pasa, Kiwanis Club San Nicolas a tene un evento titula ‘Coaching Boys into Men’. Esaki ta inspira pa dia 19 di november cu ta marca dia internacional di hende homber y mucha homber.
Segun miembro di e club, Jermaro Emerencia a splica, nan a haya importante pa den cuadro di esaki pa aporta na nos mucha hombernan pa ta un bon coach pa nan. Asina nan a bin cu tema cu ta necesario pa futuro. Den e evento aki a siña a participantenan varios principio di con pa presenta, con pa planea pa futuro, ‘table manners’ y a termina esaki cu un discusion di panel. Aki a panelistanan a conta un tiki di nan mes y despues a brinda e muchanan e oportunidad pa haci pregunta.
Idea tras di esaki segun Emerencia, ta pa haci tipo di evento manera ‘Coaching Boys into Men’ dos biaha pa aña pa asina empodera e muchanan homber pa asina nan por tin un fundeshi di con pa ‘make it’ den futuro. Kiwanis Club San Nicolas kier a gradici na nan sponsornan, esta Mercal Trading N.V., Benu Pharmacies y Ko’I Kome bar& grill.
Debi cu ta prome biaha cu nan a organisa algo asina, solamente miembro di e Builders Club di Filomena College a participa. Sinembargo, pa e proximo evento nan lo habri esaki pa publico general.
Pa cobertura mas amplio lesa edicion di TREMPAN mañan.
