E director di Leerorkest Amsterdam ta na Aruba e siman aki, pero a bay Corsou y tur isla pa ta update di e desaroyonan di leerokest. Stichting Leerorkest Aruba y Stichting Katholiek Onderwijs Aruba (SKOA)a firma un contract di traha hunto a base di nan palabracion.
Entrante 1 di september lo cuminsa cu e Algemene Muziekale Vorming Lessen (AMV) pa klas 2 di cualkier scol basico di SKOA cu kier haci esey. Grace Maduro, presidente di Fundacion Leerorkest Aruba, a bisa di compronde di e mensahe hopi bon, no ta pone presion pero ta invita e docentenan pa participa. E no ta dificil, pasobra a mira entusiasmo den e proyecto piloto cual no ta solamente e muchanan pero e docentenan tambe.
E dia aki ta uno historico pa SKOA pa cual ta e parti di Leerorkest. Director di SKOA, Anuesca Baly, a indica cu a acerca nan na 2018 pa mira con por haci esaki bira realidad den e scolnan basico. A tene diferente reunion di cual Baly a sinta hunto cu e presidente di leerorkest. Durante e reunionnan a delinea con nan tabata kier a haci esaki pa e scolnan den futuro.
Musica ta hopi importante y SKOA ta mir’e como parti di formacion den alumno ora e ta haci musica. No solamente e ta desaroya parti di su celebro cu ta importante pa siña, pero tambe e parti emocional. Hopi biaha door di musica un hende por siña con pa expresa su emocionnan, esta cantando of un instrument di musica. Na momento cu Orkesta Musical a acerca SKOA, nan no a duda ningun momento pa join cu dos scol piloto. Tin scol cu no ta piloto, pero tabata ansioso pa cuminsa.
