Un biaha mas ta tuma luga e Aruba Open Beach Tennis 2023, unda cu diferente hungado di beach tennis lo ta presente un biaha mas. E competencia ta inicia diadomingo awo, 12 di november. Mas di mil hungado di beach tennis lo ta presente e aña aki.
Sjoerd de Vries, director di Beach Tennis Aruba, a indica cu esaki ta e di diesdos aña cu ta organisa esaki. Den aña 2012 a cuminsa organisa e evento internacional di tennis na Eagle Beach. Nan a crece y ta increibel loke a logra e aña aki. Nan a inverti hopi den un stadion nobo. E tribuna ta uno completamente nobo, e capacidad ta pa tres mil hende.
E santo blanco cu tin na Bushiri ta perfecto. Nan ta contento cu e calidad di santo cu tin eynan y tur hende di mundo di Beach Tennis ta biniendo, segun de Vries. E aña aki ta conta cu 1200 participante. Nan a crece, pero mester a stop pa motibo di Covid y despues a cuminsa bek cu mas o menos mil participante. E aña aki ta mas grandi compara cu 2022.
E aña aki nan ta bek na ITF (International Tennis Federation) y e ta algo grandi pa nan. ITF ta e organisacion internacional mundial di tennis. Segun de Vries, nan ta un di esunnan mas grandi den e tour mundial y tin e top binti muhe como homber cu kier bin competi na Aruba.
Tin 70 mil dollar den premio y esey ta un exito. Loke ta mas importante ta cu esaki ta un evento di participacion. E pro ta den e parti central, pero tin fun, intermedia, avansa y esey ta e grupo grandi cu ta bin gosa e beach tennis na Aruba.
Pa mas lesa TREMPAN.COM.
