Pa un siman largo a tuma luga e Aruba Open Beach Tennis Championships 2022, unda cu diferente atleta di beach tennis a participa.
Sjoerd de Vries, organisado di Beach Tennis Aruba 2022, a indica despues di tres aña ta bek cu e competencia di beach tennis. E biaha aki tabatin menos Brasilero y Venezolano. Den pasado tabatin hopi Venezolano y door di nan situacion, no por a bin, mientras p’e Brasileronan tabata dificil pa biaha. Pero hopi persona di Italia, Canada, Hapon, Puerto Rico y mas. E composicion di participante tabata diferente cu 2019.
Pa loke ta e torneo de Vries ta haya cu esaki tabata e miho den tur. Te cu e ultimo dia tur cos a bay bon. A cuminsa e prome diadomingo c’un tie break tournament, tabatin wega single cu tabata un exito. E tenista Axel Samardzic hungando pa Aruba a gana e number un di mundo Ramos Viera di Spaña. Tabata tin e weganan di Nations cup y Aruba tabata den final. E nivel di beach tennis di Aruba ta crece y esey ta algo hopi positivo.
MAS HOBEN HUNGA BEACH TENNIS
Segun de Vries, mester di mas hoben pa hunga beach tennis. E deporte aki ta uno hopi popular pa hende hoben, pasobra por e ta low key, tin musica. Pero si kier ta serio, mester train. Nan mester train serio y duro. “Nos mester step up cu disciplina p’e categoria.” Nan ta bezig c’un programa p’esaki y esey ta importante.
