Awe, dia 28 di Maart a tuma luga e prome anochi di presentacion di show di Ballet Ruso, unda cu pa prome biaha, e miho streanan di ballet clasico di Rusia a bin Aruba, pa duna dos presentacion, cual ta manera ya nos sa, awe y mañan 29 di Maart.
Artistanan di Bolshoi manera Alexnder Bolshkov, prima balerinanan di Michailovski y tambe di Marinski a crea un magia cu tur esnan presente a keda encanta.
Pa esnan cu ainda no a mira e show, ainda tin chens pa bin diabierna anochi, esta mañan 29 di Maart. Show ta cuminsa pa 8’or di anochi y entrada ta na benta tanto na Citgo Boulevard, Citgo Essoville y tambe na porta di Cas di Cultura, na balor di 50 florin pa mucha y 80 florin pa hende grandi.
Bin mira e magia, e calidad y tecnica di scol Ruso di ballet. Ademas consagra den e bailarinnan aki, cu ta e promenan cu ta den e miho teaternan na mundo. Nan ta bin cu hopi ilusion, hopi expectativa pa duna miho di nan mes na e publico di Aruba y nan ta trece e repertorio hopi stima y conoci pa hopi hende.
Un invitacion ta bay pa tur hende na Aruba, pa nan no perde e gran espectaculo aki.
