Diasabra anochi lat, pa mas o menos 11:40pm, un patruya di Polis a atende un yamada di un compania di siguridad, relaciona cu un señora drumi dilanti Win Lee Supermarket den Weststraat na altura di Win Lee Supermarket a topa e establecimiento. E Polisnan a bay atende cu ne pero a tuma nota cu e no tabata reaccionando y a pidi ambulance mesora. Den un situacion critico a transport’e pa Hospital, pero ayera tardi lat a drenta informacion cu el a fayece na Hospital.
Ta trata aki di Soraya Zambrano Amaya, naci dia 27 di september 1960 y a fayece ayera diadomingo dia 12 di april 2020 na edad di 59 aña. E tabata biba eybana mes den Profesor Lorentzstraat. Probablemente e tabata bayendo cas ora el a bira malo y sak den otro.
Den un anuncio di morto famia a indica cu, dor di e crisis di Coronavirus y medidanan di precaucion cu mester tuma, cu lo dera nan ser keri pronto pero den seno di famia sin ricibi bisihita pa condolencia.
