Cuerpo Policial a informa awe mainta cu e anochi di Pasco Grandi for di 9:00pm pa awe 6:00am a bay relativamente bon pa Polis, cu menos detencion compara cu e dianan prome. Polis a confirma cu a deteme solamente 6 persona pa violacion di e ley di TDQ.
Manera ta conoci, pa exactamente 9:00PM, ta drenta un obligacion estricto na vigor pa ciudadanonan keda paden di nan cas. Lamentablemente cu for di e prome dia te cu awe esaki no tabata e caso.
A detene un total di 440 persona caba for di prome dia cu a implementa e TDQ. Ta keda haci un peticion na comunidad pa sigui instruccion di Gobierno, pa keda practica higiena na tur momento y evita aglomeracion pa asina preveni mas contagio local.
Entre e detenidonan, un mayoria no tabata djis riba caya ta keiro, sino tabata dilanti nan cas of yegando nan cas pero pafo. E ley no ta haci excepcion, asina Bo ta riba caminda publico, bo ta den violacion di e ordo pa keda cas y pa no ta ni dilanti den bo cura di cas, cera di caminda publico.
