Djasabra awor dia 4 di mei e promé e-Curacao Business Seminar lo tuma lugá na Santa Barbara Beach Resort. Ta trata aki di e seminario ku oradó nan cu lo diskutí “Entrepreneurship & Social Media’’, “Innovation & Voice Technology”, “Marketing Automation & Artifical Intelligence “ i “Social Media Landscape in Curacao”.
E seminario sigur ta hopi interesante pa managernan/supervisors di merkadeo, komunikashon, HR, Relashonistanan Públiko, empresarionan i esnan ku ta aspirá pa un dia tin nan propio negoshi. Ya kaba e karchinan ta bayendo masha lihé mirando ku varios kompania ta mandando nan empleadonan i tambe individualnan ta kumprando nan karchi tanto online riba www.e-curacao.net i na Bruna, Van Den Tweel Zeelandia, Mensing’s Caminada. Kompanianan ku kier kumpra mas di 1 karchi por email na [email protected] pa por asisti nan.
E oradónan internashonal mes ta hopi entusiasmá pa por ta na Kòrsou pa por hasi nan presentashón. E presentashónnan lo laga e públiko bai kas ku hopi konosementu nobo kual lo hasi nan más éksitoso den nan trabou. Ta trata aki di toolsnan i stratégianan ku lo duna su fruto pa haya más kliente i tambe kon pa komuniká mihó via retnan sosial manera Facebook i Instagram.
Portanan di Santa Barbara Beach Resort ta habri 8or di mainta pa registrashon i netwèrk i pa 9or e promé oradó lo cuminsá.
Despues di kada oradó lo tin un ‘panel-discussion’ unda ku eksperto nan di Kòrsou lo subi tarima i lo elaborá huntu ku e oradó internashonal riba kon ta e mihó forma pa implementá e kambio nan den e mundu teknológiko pa Kòrsou. E públiko presente tambe lo haña e oportunidat di hasi pregunta na e panel kual ta hasi e konferensha unu interaktivo tambe. Finalmente mester agregá ku e konferensha lo tin su parti nan inovativo ku lo hasie un mainta di siña kosnan nobo pero tambe pasa un ratu agradabel ku algun sorpresa.
Ramon Ray for di New York, Daan Gonning for di Hulanda, Mario Vinsaco di Uber LA Diederik Kemmerling huntu ku Ivy Lacle di The Lab lo ta encarga pa duna presentacion
Digicel Business , Punto Mio Business, Maduro & Curiel’s Bank (MCB), Korpodeko i Massive Productions ta e partnernan di e evento. E-Curacao ta un produkshon di The Lab, Infinity Media supported by BENU Pharmacy, One Media Group, Mammoet Printing, Tibbaa (Reinventing Ticketing), Santa Barbara Beach & Golf Resort & Oasis Coral Estate.
