Wega di fogeo di futbol ta algo cu e seleccionnan nacional masculino como femenino manera di Hulanda, Spaña, Colombia, entre otro ta haci. Aruba su seleccion masculino a haya invitacion pa bay Republica Dominicana p’un wega amistoso (fogeo) contra Santo Domingo.
Arubaanse Voetbal Bond (AVB) a acepta e invitacion aki. E wega aki ta un preparacion valioso, pasobra pronto nos seleccion nacional tin nan compromiso di Clasificacion Mundial. Seleccion di Aruba lo hunga dia 8 di juni proximo aki na cas.
Santo Domingo a scoge pa enfrenta Aruba. Despues di e wega aki, e seleccion lo ta saliendo pa Peru, unda nan lo enfrenta Peru. Santo Domingo a caba di anuncia cu e hungado Junior Firpo lo debuta den e partido amistoso aki. Junior Firpo ta ex-hungado di Barcelona y a hunga tanto cu Messi como Griezman. Actualmente Junior Firpo ta hungando na Inglatera pe ekipo di Leeds United, pero como cu e tin ciudadania Spaño como Dominicano, el a hunga pa seleccion di Spaña. Awo el a opta pa hunga cu e seleccion Dominicano.
Esaki ta bay bira un wega caminda Aruba por prepara y enfrenta e hungadonan cu ta riba nivel mas halto. Aki tin e lista di convocatorio di e hungadonan cu lo hunga na Santo Domingo dia 23 di maart pa 6:00 pm:
Keeper
Matthew Lentink – VV Goes (Hulanda), Angelo Mathilda – Kozakkenboys (Hulanda).
Defensa
Damian Searchwell (Merca), Fernando Lewis – SV Zandvoort (Hulanda), Diederick Luydens –SV DSO (Hulanda), Kymani Nedd – Excelsior Rotterdam (Hulanda), Nickenson Paul – SV Dakota (Aruba), Ashton Charles – SV Britannia (Aruba), Sandro Staal – AFC 34 (Hulanda) y Jeanpierre v/d Linden – TAC ’90 (Hulanda).
Medio campo
Rovien Ostiana (Hulanda), Walter Bennett – FC Feyenoord (Hulanda), Dimaggio Senchi – AFC 34 (Hulanda), Shivay Wadhwani – Nacional (Aruba) y Edward Clarrisa – VV Maarssen (Hulanda).
Delantero
Jayson Halman – Stedoco (Hulanda), Terence Groothussen (Sportlust46 (Hulanda), Isai Marselia – Romulus Football Club (Inglatera), Jayden Kryudenhof – AFC 34 (Hulanda) y Jeremy van Uunen – FC Feyenoord (Hulanda).
Headcoach ta Marvic Bermudez.
