Ta poco negoshi tin ainda cu ta purba sobrevivi den Caya Grandi. A para bira cu tur dia un di nan ta lanta kibra. Sea ta choller ladron den e zona of otronan cu tambe ta yega pa comete ladronicia.
Diabierna marduga pasa di 5:00 AM un ladron cu auto a manda e vehiculo den e negoshi. A rementa entrada di e negoshi cu roluik cu tur. Djey baha destrui varios di e vitrinanan y horta.
Hopi daño a keda atras. Doño ta keha cu caya grandi ta morto. Awo cu un golpi asina ta bira pio. E tin seguro pero tur esaki ta un proceso largo. E acto ta riba video di siguridad y ta spera cu por pone man riba e ladron of ladronnan aki.
