Den fin di siman Taekwondo Team Aruba a participa den e AAU Florida Gold Coast State Qualifier na Miami. Taekwondo Team Aruba a participa cu 6 atleta y a logra gana 2 medaya di Oro, 1 medaya di Plata y 3 medaya di Brons.
Tabatin un total di 489 participante entre otro for di Cayman Islands, Aruba, Estado di Florida, Georgia, Texas, North Carolina y mas. Master Yoshmar Wever y Master Clifford Rasmijn a prepara e team Aruba.
Awo training ta sigui pa e proximo eventonan Internacional cu tin te cu december 2024.
Un di eventonan mas importante pa Taekwondo Team Aruba ta e TK5 na Merca.
