Un miembro di siguridad cu su uniform di trabou bisti a dicidi di core pa polis. Polis a topa e Nissan Sentra color cora riba Watty Vos Boulevard. Ora a duna e chauffeur señal pa para el a paga luz y cuminsa duna mas gasolin pa core pa polis. E tabata core den robes y a coy direccion di Paradijs y parti di Madiki djey bay direccion Ponton.
Varios unidad a bay su tras y den e proceso a dal tambe den un auto di polis. E chauffeur masculino so tabata na stuur. Den Bushistraat el a drenta parkeerplaats di un compleho di apartamento.
El a purba baha for di auto pero polis a tira man riba dje. E mester bay duna cuenta di su actonan. A hib’e den e transporte policial. E homber na stuur tabata mustra bebi.
Polis di trafico a presenta pa atende cu e accidente entre e Sentra cu e auto di polis. E daño riba e auto di polis tabata na e bumper dilanti banda di pasahero. E impacto di e Sentra tabata na e porta di chauffeur. Den e huida e chauffeur a kap e tire dilanti banda di chauffeur. Asina mes el a sigui core pa polis te cu finalmente a detene.
Si bo kier cambia, tin ayudo
E reto no ta cu bo tin problema di alcohol of droga, sino cu tin ayudo, Mescos cu bo, tin hopi otro ciudadano cu tabatin of tin e mesun problema cu bo y cu ta dispuesto pa comparti cu bo nan storia di exito, cu awe nan ta liber di alcohol of droga. Ta un grupo cu ta topa diariamente na diferente sitio, pa esun sostene e otro y hunto laga e bicio, cu ta caba cu bo famia, bo carera laboral y sin lubida bo salud.
Alcoholic Anonymous Aruba ta existi pa hopi aña caba y tin reunionnan diario, tanto na nan clubhuis na Sabana Liber na Noord of na Weg Seroe Preto na San Nicolas. Pa mas informacion di orario di reunion of pa por bel y papia cu un boluntario, subi e website: www.aa-aruba.org.
“Hende no ta cambia pasobra nan a mira e luz. Nan ta cambia pasobra nan a sinti e cayente”
