Diasabra anochi habitante di Hooiberg 8K a bati alarma na polis p’un situacion sospechoso. A topa cu un hoben di apenas diesdos aña den nan cura di cas cu menos bon intencion. Ta sospecha cu e hoben kier a horta nan ekipo di gym.
Na yegada di polis, e hoben a bisa cu; el a cay rasca su pia y tabata descansa su pia sinta eyden. Su storia no tabata cuadra, mirando cu ora e habitante a confront’e den cura, el a purba di huy y hasta altera cu nan.
Polis a duna e hoben un bon scual. A bay cu ne warda di polis pa por informa su mayornan di su actonan riba caya. No ta prome biaha cu polis ta atende cu e hoben aki. E ta di Dakota y a frecuenta te den Hooiberg. E tabata compaña cu dos amigito mas, pero ora cos a bira serio, nan a core bay lag’e su so atras. Ta spera cu esaki ta un les pa e hoben.
