Sala di Arte ta un galeria nobo na Aruba cu a habri diabierna ultimo y ta spera di por yena e funcion di e demanda cultural banda di e demanda existente. Segun Rachelle Fontene, propietario di Sala di Arte, ta presenta diferente tipo di arte manera pintura, cuadra y fotografia.
E accento ta enfoca riba arte Hulandes, pero no por bisa cu e ta precisamente cu e galeria ta pa un artista cu tin un identidad Hulandes of otro. Cu otro palabra ta ilustra arte di cual nan ta pensa cu e por ta bon pa Aruba.
Fontene ta sigui splica cu nan ta exponiendo cinco artista den e galeria entre otro fotografia y tambe arte contemporaneo.
Sala di Arte fuera di ta expone, nan ta un galeria normal, unda cu nan ta bende arte. E arte exponi lo keda den nan portfolio y pronto nan lo tin mas artista cu lo expone nan arte den futuro, cu ta pas den e galeria pa asina nan bira mas reconoci.
Fontene mes a crece entre arte y cultura. El a menciona tambe tres aña pasa, tempo cu el a bin cu e idea, el a sigui un opleiding di curator, pasobra bo por gusta arte y lesa hopi di dje. Sinembargo cu esey no ta nifica cu bo por habri un galeria.
Pa cualkier informacion por tuma contacto cu nan sea via nan website na artgalleryaruba.com. Sala di Arte ta situa na Kamay 22-A y semper por tuma contacto cu nan pa mas informacion y tambe pa orario di bishita via 7314142 of tambe por manda nan un e-mail na [email protected].
Fuera di esey nan ta huur nan espacio pa reunion y tambe pa un estadia di un fin di siman como tambe durante e dianan di fiesta.
