Relaciona cu e interupcion di coriente cu a afecta area di Palm Beach y Kamay awe mainta, NV ELMAR a informa cu pa mas o menos 10:29 am a drenta un melding na Departamento di Storingsdienst di un storing den e area di Palm Beach. Mesora e tecniconan a mobilisa pa atende cu e situacion.
Na yegada, e tecniconan di NV ELMAR a constata cu ta trata di un corto circuito den e “trafohuis” na Palm Beach cu a laga e area di Palm Beach y Kamay sin coriente.
E causa di e interupcion aki tabata debi na trabaonan di “landscaping” cu tabata tumando luga e momento ey den cercania door di un compania local y awa lo a drenta den e trafohuis. Pa 11:39 am a restablece e suministro di coriente den tur area afecta.
N.V. ELMAR ta keda enfatisa na su clientenan cu suministro di coriente sin interupcion ta un meta esencial den e maneho diario di N.V. ELMAR y como tal ta pidi disculpa na consumidonan pa e inconveniencia cu e interupcionnan di casi tur dia por ta ocasionando.
