Parlamento a trata e presupuesto supletorio, unda e ministernan a presenta pa papia riba nan cartera. Esaki ta di dos aña cu e gobierno aki a entrega presupuesto na ora, esey ta algo bon. Pero awo mester mira contenido di e presupuesto supletorio.
mr. dr. Ryçond Santos do Nascimento, parlamentario independiente, a splica cu e presupuesto aki na momento cu a lesa tur e documentonan, ora a analisa henter e situacion cu tin, por mira cu gobierno ta bayendo den un trayecto bon p’e ultimo dos aña pa locual ta e ciclo presupuestario. Esaki ta significa cu aña pasa nan a entrega e presupuesto na tempo y c’un surplus. E aña aki un biaha mas tin un presupuesto entrega na tempo, pero c’un surplus.
Parlamento ta tratando e presupuesto supletorio na tempo. Na momento cu ta mira por lo general e bista ta positivo. El a sigui indica cu loke mester pensa ta cu si gobierno ta continua riba e trayecto aki p’e proximo binti aña, si e ta positivo pa Aruba. Esey ta e conclusion.
For di e punto di bista ey tin espacio pa elogia tanto gobierno cu e logro aki den e ultimo dos añanan. Naturalmente parlamento mester mira e contenido di e maneho financiero di e pais ta keda realistico. No tur ora gobierno tin e informacion na man, di biaha. E parlamentario ta kere di a mira señal positivo.
