Recientemente na e club di Aruba Lions Club a tuma luga un anochi di informacion. Rib’e anochi aki e miembronan activo di e club por a invita un of mas persona cu ta motiva y cu tin e pasion pa yuda den comunidad pa tambe por bira miembro di e Club.
Presidente di e club, Rubin Ponson a hiba palabra y a splica tur e prospecto miembronan riba e trabou di e club na Aruba pero tambe kico Lions Club ta haci na nivel mundial. District Governor Ivan Croes tambe a hiba palabra durante e anochi informativo aki cu mester bisa tabata un exito sigur. Na final a contesta preguntanan cu a bini for di parti e prospectonan nobo.
Keda pendiente paso Aruba Lions Club lo tene mas di e anochi di informacion aki pasobra Lions Club International ta buscando pa yega 1.5 miyon miembro. Pa varios aña caba ta pega na 1.4 miyon.
Esun cu haya e invitacion, asisti n’e anochi di inforamcion y sea parti di un di e clubnan di servicio mas prestigioos na nivel mundial. ‘Because we serve’.
