Luna di December ta un luna cu hopi hende ta focus riba e temporada di klapchi y naturalmente e cantidad di klapchi ta na Aruba. Containernan a yega y ladronnan tambe a dicidi cu nan ta busca coy horta, caminda cu tin klapchi. Nan a dicidi cu un biaha mas nan bay bishita e area di Wela. Wela ta caminda cu e klapchinan ta wordo warda. Nan tin un deposito special pa warda klapchi. Pero tambe nan tin un cantidad di container bon blokia, pa asina evita ladronicia. Pero cu vigilancia.

 

Intento di ladronicia

Den oranan di diadomingo anochi a bati alarma. Intento di ladronicia ta loke cu tabata tin na Wela y nan a fracasa den nan intento.

Robin Ponson, experto den explosivo di DOW, a splica cu en berdad diadomingo atardi, durante di un control riba Wela, a bin constata cu tabata tin na e murayanan di e deposito na Wela, a cuminsa kibra pa asina por drenta. Trabaonan a cuminsa, o sea kisas nan a wordo stroba den cualkier momento cu nan a cuminsa cu e trabaonan ey. Den e dianan aki, tin tur e containernan cu a yega cu klapchi ta poni eyriba, wardando pa cuminsa cu e trabaonan. Tin siguridad eyriba 24 ora y esey kisas tambe por tabata un momento cu por a stroba e trabao pa sigui pa logra habri e luga pa drenta. Segun Ponson, tin control tambe di parti di DOW constantemente eyriba y ta haci’e poco dificil pa e temporada aki sigur.

 

Un entrada, un salida

Tin un entrada pa auto, pero sigur na pia tin diferente otro entrada, via mondi. No sa kico e intencion tabata pa kibra e luga. Kisas nan lo drenta cu auto despues of purba drenta. En todo caso esey a constata diadomingo anochi.

 

Deposito principal

Den deposito principal di klapchinan di aña pasa y tambe klapchinan confisca. E containernan cu a yega ta poni un otro parti bao vigilancia y wardando pa e trabaonan cuminsa riba nan pa habri esakinan.

 

Cuanto deposito

Tin tres deposito, segun Ponson, di cual un di nan ta bashi y nan ta reparti riba nan, locual cu ta vuurwerknan. Esun cu a bin sa cu tin cos eyden. E ta esun cu mayoria di biaha ta wordo uza y ta esun di mas grandi. E ta un modus operandi cu a keda mescos. Nan sa caba kico nan lo mester haci pa drenta eyden of ki trabaonan lo mester haci pa purba di drenta. Ta buscando keto bay un manera pa para esaki.