Kiwanis Club of San Nicolas su King’s Night Street Fair ta un evento cu anualmente ta tuma luga den Caya Grandi di San Nicolas en conexion cu celebracion di Dia di Rey.
E evento a conta cu musica, cuminda, y bon ambiente. E King’s NIght Street Fair ta trece hunto empresarionan local, artistanan, y habitantenan pa un anochi di entretenimento y celebracion.
Basa riba e exito di e evento di aña pasa, King’s Night Street Fair a bolbe cu mas iniciativa pa ofrece na nos comunidad.
E aña aki a introduci un “Food Court” den e parking lot di Aruba Bank su sucursal na San Nicolas caminda bishitantenan por sinta trankil y saboria nan plato.
A brinda e espacio extra aki pa sigura un experencia comodo y placentero pa tur bishitantenan.
Nos ta hopi contento di a partner cu Kiwanis Club of San Nicolas y nos ta comprometi pa sigi sostene iniciativanan cu ta trece nos comunidad hunto.
