Na cuminsamento di aña, mirando e situacionnan di ultimo añanan, a manda un proposicion pa minister caminda cu a pidi, den e caso aki, e aña aki lo e bin atrobe, pa busca un manera con ta bay haci cu wardamento di klapchi. Si ta pa DOW ta pidi pa importa suficiente klapchi cu por caba na final di aña y esey ta evita un problema, tanto pa Gobierno mes y tambe pa e bendedonan cu tin cu warda esaki den Wela y despues bolbe paga p’e. E miho manera ta, busca e cantidad cu por caba na final di aña.

 

Con e por wordo logra

Tin diferente importador, pero tin un calculo caba di tur aña cuanto container por bende. Si tur importador por cera cabes y logra esaki hunto, nan por sa cuanto container nan lo por importa pa por caba na final di aña.

 

Cuanto container

Pa e aña aki tur e containernan a yega caba, cu ta un total di 16 container. Aña pasa a sobra mas of menos 4 container y e ta un poco menos cu locual tabata tin aña pasa. Si conta aña pasa, tabata tin dos pa tres container cu a sobra di e aña anterior y a wordo importa 20 of 21 container. E aña aki tin tiki menos container, di cual ta bon. Segun Ponson, si e bendedonan haci un tiki esfuerso, por sali for di esaki na fin di aña.

 

Control

Durante siman aki, e trabaonan lo bay cuminsa. E containernan ta bay wordo habri, pa controla pa Douane. Alabes controla pa Brandweer, DOW, polis y si mester, lo bay cuminsa haci e testnan riba e diferente klapchinan, kisas desconoci, si tin. Tambe e calidad wak si tur ta na ordo pa por wordo bendi cu publico.