Campoenato HEINEKEN fast pitch di Aruba Softball Bond dedica na baluartenan Jacobo Jansen y Gilbert “Nando” Maduro a continua riba veld di Dragon Hitters.
Den categoria AA Royal Power Tat Fat Home Depot ta derota Celebrities den di tercer buelta. Royal Power ta piki 1 careda den cabez di promer inning pero mesora Celebrities ta reaciona cu 2 careda den bom di promer inning. Royal Power ta bolbe score 2 mas den cabez di 2 pa bolter e score 3-2. Den cabez di 3 Royal Power ta rally pa 6 careda mientras Celebrities ta keda purba bin bek anotando 2 den bom di 4 y uno den 5.
Boxscore final Royal Power 11 careda, 13 hit, 0 error y ta laga 7 coredor na base. Celebrities 5 careda, 9 hit, 1 error y ta laga 4 coredor den circulacion. Celebrities su bateo henter aña ta sobre saliendo pa un equipo cu a caba di promove. Mihor bateadornan pa Royal Power Edmar “Macho” Tromp di 4-3 cu 3 careda anota mas 2 rbi, Jomark Flanegin 3-2 cu un triple y un double, Kenny Hart 3-3 incluyendo un triple, Leander Angela 1-1 cu un triplete, Guyon Cannister di 1-1. Pa Celebrities a destaca na plato den causa perdi Jonathan Ruiz y Joshua Wever ambos di 3-2, Enrique Almansar y Gregory Manuel Jr di 1-1, Wensley Kock di 2-1. 
Kelvin “Truck” Silvania a bay complete poniendo su promer victoria riba su nomber ebfrentando 24 bateador tirando 34 bola, 56 strike pa un total di 90 lansamento permitiendo 5 careda tras di 9 hit ponchando 3 batedor regalando 2 base por bola y por mira atras riba un bon labor riba monticulo pa su equipo. Jeremy Geerman ta bay cas cu e derota enfrentando 33 bateador tirando 58 bola, 63 strike pa un total di 121 pitch permitiendo 11 careda di cual 9 ta limpi tras di 13 hit y ta regala 6 base por bola. Weganan di campeonato ta continua tur dia e siman aki diamars na Dragon Hitters, diaranson, diahuebs, diabierna na Pos Chiquito. Jega tereno bin apoya Bo equipompreferi y disfruta di tremendo weganan di softball.
