Comision organisado ta invita tur hende, hoben y adulto pa otro Rosario Bibo na kapel di Alto Vista diaranson 28 di april.
E rosario lo cuminsa pa 7’or y mey di anochi y cada persona por presenta su intencion personal y hunto lo resa pa tur intencion haya oido cerca Señor pa medio di intercesion di Mama Maria.
Lo resa pa tur intension general, manera: pa salud di tur enfermo na cas y na hospital, pa tur esnan cu ta biba den un cas di cuido, pa e hubentud y nan mayornan y pa tur cu ta guia nos pais.
Tambe lo resa pa paz mundial y pa ciencia por haya solucion pa tur enfermedad cu ta existi na mundo.
Un invitacion general na un y tur pa asisti na e proximo Rosario Bibo diaranson awo, 28 di april, na kapel di Alto Vista.
