Ultimo temponan tin e percepcion cu, aunke cu Aruba tin un City Inspector, toch nos isla dia pa dia ta birando mas sushi.
Robby Rosel, Relacionista Publico di Bureau City Inspector a tuma nota di e comentarionan aki y tambe esun di Stichting Rancho pa locual ta e sushedad rond nos isla. E sushedad rond di nos isla, no ta algo di awo. E situacion actual no ta pasobra cu dump a cera, cual ta haci cu tin sushi. Esaki a bira un tradicion cu e dump a cera y esey ta bira e taboo cu e dump a cera y esey ta trece hopi sushedad riba nos isla.
Mas aleu, Rosel a bisa cu tur dialuna nan tin e problema na un local na Barcadera, unda cu tur weekend e hendeann ta tira sushi. Cu dump ta cera riba diasabra y diadomingo, ta comprondibel. Pero por tira sushi na SWC, cu ta habri tur weekend sin ningun costo extra.
Tambe tin EcoTech unda cu por deposita tur locual ta mata cu palo. Aki tambe pro haci uzo di dje diasabra y diadomingo. Y aki tambe e ta gratis. Tambe tin un luga mas pariba, unda cu tambe pro deposita sushi di cas sin niun gasto acerca.
Hopi biaha ta informa e pueblo di Aruba riba e posibilidadnan aki, pero tin ora bo tin e sensacion cu e hendenan ta hacie pa maldad. For di dialuna pa diabierna, EcoTech ta maneha esaki. Actualmente e hendenan cu ta bibando na San Nicolas, e cantidad di sushi tambe a aumenta.
Un biaha mas, Rosel a enfatisa riba e luganan unda cu por deposita sushi, gratis, den fin di siman: SWC, situa dilanti di ex-edificio di Volkswagen, tambe na EcoTech por deposita den weekend y esaki tambe ta gratis. Pa tira bloki y piedra, por bay tambe na Barcadera. Tur esakinan ta gratis!
