E tabata un soño pa tin un oficina di Aruba den e oficina di Holland House na Bogota. Asina Jan Willem van Bokhoven cu ta director di Holland House na Bogota, a habri su discurso na un momento special pa nos isla pero for di Colombia. For di Aruba caba algun aña pasa e Departamento di Asuntonan Economico via su directora ta trahando pa logra e oficina di Aruba pa amplia relacionnan pa haci negoshi entre Aruba y Colombia. Aruba ta haci hopi negoshi cu Colombia.
Den presencia di e delegacion di mas cu 30 empresario di Aruba, e director di Holland House a splica cu ta prome biaha desde cu e t’ey, cu tin un delegacion asina grandi. Jan Willem van Bokhoven ta kere cu awendia por amplia e lasonan mucha mas y haci’e mas fuerte entre Aruba cu Colombia. Mester crea e relacion y haci esaki uno duradero. Minister Geoffrey Wever encarga cu Ministerio di Asuntonan Economico a splica durante su presencia cu ta un honor di t’ey pa sigui traha despues di hopi aña cu ya tin un relacion comercial entre Aruba cu Colombia. A mandatario a splica riba e acuerdo cu a ser firma entre gobierno di Aruba y Holland House na Colombia. Ya caba tin gruponan di Colombia estableci na Aruba. Tambe mester amplia esun di Aruba pa cu Colombia.
Minister Geoffrey Wever ta kere cu e rol di Holland House ta indespensabel pa por haci negoshi for di Colombia. Tin mas oportunidad cu Colombia ta ofrece. Y esaki por yuda crece economia y haci esaki mas sostenibel. Tin mas oportunidad y minister Geoffrey Wever ta kere cu Aruba mester probecha di e oportunidadnan cu Colombia ta ofrece. Ernst Noorman ta Embahador di Reino Hulandes pa Colombia. Na apertura di oficina di Aruba den Holland House el a splica cu e ta sinti su mes na cas den Holland House. Embahada cu Holland House ta traha man den man. Ta traha y haci hopi esfuerso pa crea e lasonan fuerte entre Colombia y reino Hulandes.
E presencia di diferente mandatario di Aruba e ultimo dianan aki na Colombia ta muestra e interes cu tin pa haci fortalece e lasonan economico entre Aruba pa Colombia y Colombia pa Aruba. Ernst Noorman cu ta embahador a splica cu ta traha dirigi riba negoshi pa negoshi. Kier busca diferente relacion pa e paisnan activo. Holland House ta bay celebra 10 aña na Bogota. Tres aña pasa Ernst Noorman a yega Colombia como embahador. E tempo ey tabata tin 240 miembro y awendia tin mas cu 380 miembro. E esfuerso aki ta danki na e director y e ekipo di Holland House na Bogota. No ta solamente Aruba a habri oficina den Holland House. Tabata tin tambe apertura y cortamento di cinta pa e oficina di IBS cu ta Integrated Business Solutions. Derrel Maxwell ta e director. E tin su oficina na Aruba y tambe otro paisnan den reino.
Mientrastanto a dicidi di logra pa habri un oficina na Bogota den Holland House. Derrel Maxwell di IBS a splica cu nan ta contento di por habri un oficina na Colombia rondona pa coleganan comercial di Aruba. E ta algo bunita. El a invita e comerciantenan di Aruba pa bin explora e mercado Colombiano.
