Diaranson Stichting Verstandelijke Gehandicapten Aruba (SVGA) a tene nan celebracion di carnaval.
Nos coleganan tabata na sitio y asina wak pa nan mes con nan ta gosa di nos dushi carnaval. E celebracion aki a tuma luga de Renaissance Convention Center.
Elvira Arias-Tromp, Hoofd di Centro Man na Obra, cu ta un di e departamento di Fundacion pa Esnan cu Deficiencia Intelectual.
Ya ta varios aña caba cu Renaissance Wind Creek ta coopera cu SVGA pa asina nan clientenan por gosa di nan celebracion di Carnaval.
Tabatin un total di 325 persona mas o menos, cual tabata consisti di e clientenan di Centro Man na Obra, Cas Sjaburiri, Briyo di Solo, Cas Blenchi, Scol Dununman, Pasadia Bibito Pin. Dus tur e departamentonan cu ta cay bou di SVGA.
E mainta aki SVGA tabata compaña pa nan ‘houseband’, Rusty & Climax cu pa hopi aña ta compaña nan. E mainta aki tambe King Size a deleita tur e clientenan cu e dushi musica di Carnaval.
Asina tambe, e clientenan di SVGA tambe a celebra di Aruba su Dushi Carnaval.
