Fin di luna a surgi un situacion unda cu e pompstationnan a stop di bende coriente pa ELMAR. E compania di coriente a busca un solucion, pero esaki no ta funciona pa tur su clientenan cu tin un sistema di pre-paid.
Por a compronde cu tin 728 cliente di ELMAR cu ainda tin e aparato bieu di coriente pre-paid. Esaki ta nifica cu no por uza e app pay-aw di SETAR pa cumpra coriente. Esaki pa motibo cu e aparatonan aki no ta smart, ta anticua.
E sucursal di ELMAR ta traha solamente te cu 8:00 PM. E no ta soluciona e problema pa e clientenan cu tin e sistema di coriente bieu di pre-paid.
Ta papia aki di un cantidad di 728 cliente di e mas di 8000 clientenan di e sistema di pre-paid cu ELMAR tin.
E situacion awo ta cu ELMAR mester bay instala e aparato nobo pa e 780 clientenan. Por a compronde di ELMAR cu nan lo por logra haci esaki e luna di februari. Mientrastanto ELMAR ta pidi nan pa acudi durante e orarionan di trabou extra pa cumpra nan coriente mientras cu ta caba di cambia tur e aparatonan.
