Manera tur diabierna, partido Raiz a tene su conferencia di prensa, unda cu a pone enfasis riba e sistema tradicional di financiamento di campaña politico.
Ursell Arends, lider di e partido a menciona cu e partido ta distancia for di e sistema tradicional di financia campaña politico door di cuminsa cu crowdfunding, unda cu ta colecta donacion den sumanan chikito pa asina financia e campaña di Eleccion 2021.
Desde inicio di e partido, den nan statuut, Raiz a ancra den articulo cuater, con ta bay financia a traves di Crowdfunding nan campañanan.
El a papia di e ley cu a drenta na vigor na Aruba riba financiamento di partidonan político, cual nan ta kere cu ainda tin buraco cu ta permiti un grupo chikito cumpra influencia cerca partidonan tradicional.
Durante e conferencia di prensa di tur diabierna, Arends a menciona cu por subi riba nan website raiz.com, y contribui a traves di transfer via banco, di cinco te cu un cantidad di 1200 florin. Esey ta regula tambe den statuut cu pa aña por ricibi e cantidad di 1200 for di un empresa of persona.
Pa mas destaye y informacion riba esaki lesa edicion di diasabra di Trempan.
