Diabierna den oranan di merdia polis a bay cu urgencia den Koningstraat pa un problema cu a surgi na un cas y tabata tende hende ta grita. Na yegada a bin topa cu un homber sinta dilanti parcela no. 33 den Koningstraat.
E tabata mustra agita na e momento ey, y a compronde cu aparentemente e cas y supuestamente, segun por a compronde eynan, e lo tabatin discucion cu personanan cu ta biba na e cas ey.
Hasta por a scucha cu el a menasa e hendenan cu cuchiu. Dos patruya a yega na e sitio y tacticamente, mirando e informacion ricibi, papia cu ne.
A inform’e cu nan mester transport’e pa warda di polis pa tuma su declaracion di kico a pasa. A mira cu el a calma y a bay cu e polisnan.
