Partido Raiz a logra haya 587 voto necesario y awo nan ta un partido mas pa por bay eleccion 2021.
“Nos a completa e mision,” segun Ursell Arends. Y nan kier bay parlamento.
Segun Arends, hunto cu tur candidato di Raiz lo bay enfoca nan energia pa sigui pa nan proximo mision, cual ta pone bos di pueblo resona.
A logra completa e mision aki pa asina kita tur duda cu Raiz ta cla pa bay eleccion 2021.
A logra pa nan participacion den eleccion ta confirma.
Nan representacion como bos di pueblo den 2021 ta cla pa solucion.
Solucion en bes di partidismo, solucion enbes di tradicion.
Ta conta cu sosten di pueblo pa nan sigui crece. Sostenedonan ta determina y lo percura pa e reisnan aki sigui crece den comunidad.
Ta felicita partido MAS cu tambe a logra haya su firmanan y tambe ta desea e demas partidonan exito pa nan haya e firmanan necesario.
Awo falta 6 dia ainda pa nan por haya nan firmanan. Ta pidi e demas partidonan pa keda firme y cu cabes na laira pa nan tambe por logra nan firmanan.
Ta satisfecho con e proceso di firma a bay. Den 2017 el a bay den otro forma, pero awo mirando cu tin cierto rekisitonan pa motibo di COVID, el a bay otro. A pesar cu tin algun partido cu a indica cu tabatin indicacion.
Den e proximo seis simannan padilanti lo bay bin cu nan vision pa pueblo y ta pidi pa keda pendiente pa esaki.
Pa loke ta e demas partidonan, Accion 21 tin te aworaki 346 firma, Curpa tin 95 firma, HTC tin 65 firma, Pueblo Prome tin 219 firma, PPA tin 315 firma y UPP tin 275 firma.
Tin te cu dia 18 di mei pa pueblo por acudi sea na MFK Noord, MFK Savaneta y e Dependance di Censo riba LG Smith Boulevard 66 di 9’or te cu 8’or y mey di anochi.
Pa por firma mester bin cu un paspoort, cedula of rijbewijs di Censo pa por duna e partido di bo escogencia sosten.
Ta importante pa pueblo yega y pone nan firma di sosten y cu nan por bay eleccion.
Den transcurso di dia lo bin cu un update di e cantidad di firma deposita.
