Diasabra a tuma luga na The Venue e evento tan spera di DJ Adoni “The Party” cu a resulta den un exito, publico a gosa y baila riba e ritmo di musica di e talentonan local, pa 2:00 am a sigui e presentacion di DJ Adoni cu publico por a disfruta pa un ora largo su mescla di musica, treciendo ambiente total den e fiesta.
Reportero Edward del Orbe a combersa cu Denisa Gross organisado di evento, kende a expresa di tabata hopi contento cu reaccion di e publico pa cu e fiesta musical cu tawata sold out pa mey anochi y tambe tabata gradici na “24K Dreamteam.”
A combersa cu DJ Adoni, kende a conta di ta hopi contento di por bolbe Aruba pa di dos biaha, tambe a gradici su fanaticada pa e sosten tanto na Aruba y e otro paisnan, y por keda pendiente cu pronto lo tin varios proyecto musical cu lo presenta.
Adonis ta naci originalmente na Republica Dominicana, na edad chikito a bin Aruba hunto cu su famia di cual a biba cuater aña na Aruba. Despues na momento cu e mama a dicidi di bay biba na Merca, Adonis tambe a haci mesun cos, actualmente ta biba na New York.
