Ken ta San Hose? San Hose ta tata di Hesus, esposo di Maria, patriarca y protector di Santa Iglesia Universal, teror di demonionan y tambe Patrono di Trahadonan. Tambe ta consider’e como patrono di esunnan moribundo.
P’esey Parokia di Birgen di Fatima ta desea di informa cu lo tene un Nobena na honor di San Hose, cuminsando diadomingo 10 di maart 2024 te cu dialuna 18 di maart 2024 pa 6:00 pm, cu excepcion di diadomingo 10 di maart 2024 y diadomingo 17 di maart 2024, cu e ora lo ta 5:00 pm.
Diamars 19 di maart 2024 ta celebra fiesta di San Hose ta. Riba e dia ey nos lo resa Santo Rosario pa 6:15 pm, despues ta sigui di biaha cu e Santo Sacrificio di Misa solemn na honor di San Hose pa 7:00 pm.
Diabierna 15 di maart 2024 lo tene e Nobena pa 5:45 pm, pa despues sigui cu e caminda di cruz pa 6:30 pm, sigui pa un Santo Sacrificio di Misa pa 7:00 pm.
Ta invita tur devoto y pueblo di Aruba en general y tambe tur esunnan cu tin e nomber Hose, José, Josefa y Josefina pa asisti sin falta na e Nobena y e fiesta na honor di San Hose, e ehempel famoso di Santidad.
