Dia 2 di maart a tuma luga e Las Vegas Super Convention y Gregory Oehlers a competi den Pro Class. El a bay cu e prome premio den Pro Spicy y Pro Mild.
Gregory ta president di fundacion di Hotwheels Aruba Official y A pesar di su profesion como artista di tattoo internacional cu 58 premio riba su nomber e ta un customizer tambe y cu e don aki e ta expande su arte riba brommer, canvas, murals y riba hot wheels.
Aña pasa Hotwheels Aruba Official a haci un Expo grandi unda cu Lee Allen di Nuclear Minds Design, un persona grandi den mundo di Hotwheels, a haci un Colaboracion cu Gregory pa su Expo Car. Unda bo por mira e felicidad cu Lee ta comparti tempo cu Gregory y ta cla pa sigui cu mas proyecto p’e aña aki.
E autonan ganado ta:
· Prome luga Pro mild tabata cu e Cododo Blue – Porsche RWB;
· Prome luga Pro Spicy tabata cu e Dushi Pink – Masda RX7.
Tur esakinan ta traha na Aruba mes den Gregory su shop Mr Frogs Art Lab & More.
Hot Wheels ta un mundo grandi y positivo cu ta pa tur edad y e ta trece hopi hende hunto. E aña aki Las Vegas Super Con a bin cu e mensahe di Spread love y esaki Gregory lo sigui haci na Aruba tambe.
Por sigui Gregory di cerca riba Facebook Page di HotWeels Aruba Official pa mas proyecto cu e tin na caminda.
