Diaranson dia 8 di februari a tuma luga e prome actividad di dam den aña 2023.
Esaki tawata un simultaan duna door di nos campeon di dam di aña pasa Ricky Nisbet.
Ricky a enfrenta seis hungado cu a presenta e anochi ey. Ricky a gana un wega y perde cinco. Un score di 16.7 porciento. E participantenan tabata Mario Jansen, Octavio Croes, Daniel Diaz, Henry Knepa, Rolin Croes y Hector Winterdal.
Diaranson awor dia 15 di februari, club di dam Arowak ta start cu su campeonato anual cu ta e Campeonato Nacional 2023 pa saca e campeon di dam pa aña 2023.
Pa participa, mester ta registra na censo di Aruba pa por lo menos un aña.
Formato di wega lo ta Round Robin, unda tur hungado lo topa otro un biaha. Duracion lo ta un ora pa banda cu un incremento di un minuut despues di cada hugada. Nos ta start pa 7:00 pm exacto den nos clubhuis na Sun Plaza 401L, Oranjestad. Weganan lo termina rond di 10:00 di anochi. Solamente 1 wega ta wordo hunga pa nochi.
Pa mas informacion, por tuma contacto cu Mario Jansen (cel. 699-8245) of Ricardo Wever (592-6391) of Octavio Croes (594-5590), of Rolin Croes (593-6817).
