Den e estado di derecho na Aruba tin separacion di poder entre Estado y Iglesia. Esaki ta motibo cu gobierno no por tuma ningun medida cu tin di haber cu Iglesia, pero si ta delibera cu clero. Y esaki ta loke cu a sosode recientemente.
Minister Presidente mr. Evelyn Wever Croes a splica cu a papia cu clero unda a informa nan di e situacion den cual Aruba ta. El a apela pa tur hende atene nan mes na e reglanan cu tin imponi na e momentonan aki.