Pa hopi aña sa tin riba tanto Diadomingo di Rama y Bierna Santo, procesionnan bibo, pero debi na e pandemia, pa di dos aña caba, e procesionnan aki no ta continua.
Esaki sigur ta un situacion cu tin cu adapta na dje. Gina Nuboer, kende ta forma parti di e organisacion cu ta organisa e caminda di cruz y Diadomingo di Rama Bibo den cayanan di Dakota, a comenta cu si nan ta cla pa 2022.
Pueblo y e participantenan mes ta hopi entusiasma pa esaki. Nuboer ta sigui bisa cu pueblo di Aruba a experencia, ta lanta e emocion y ta biba cu e Caminda di Cruz Bibo, na un manera mas real posibel y ta pone tempo para den un instante, poniendo hende reflexiona riba morto di Cristo.
Pero, awo miho cos ta pa warda. Si mester organisa e procesion toch den e cayanan di Dakota, e cooperacion cu tin mester di e publico pa mantene distancia of para den cura di cas, no ta bay sosode y pa evita un ke otro y pa bienestar di nan mes y pueblo di Aruba, no lo sigui cu e procesion e aña aki.
E situacion ta tiki fastioso pa tur y no tur hende ta custuma cu ne.
Pa awo, pasa Bierna Santo y Diadomingo di Rama, hunto den famia, resa hunto y tuma esaki na un manera trankil.
