E prome barkitonan di Venezuela a cuminsa yega Corsou. Segun prome minister di nos pais ruman, Eugene Rhuggenaath, un siman pasa el a cuminsa cu un barco y diahuebs, 7 barco a drenta.
Manera cu a palabra tambe, ora cu e acuerdo cu a tuma luga na Aruba, cu ta ratifica cu tin cu traha hunto cu paisnan den Reino pero tambe cu Venezuela, pa bin cu palabracion y controlnan mas severo, ta tumando luga. Apesar cu di parti di Corsou, e frontera nunca a cer’e. Pero ta Venezuela a cera frontera.
Y su posicion tabata cu Corsou no lo permiti e barconan bin, tanten cu Venezuela tin e fronteranan cera. Una bes cu e fronteranan a habri, a haya peticion pa barconan yega y bao di control estricto di Douane, tambe departamento di salubridad, etc., a permiti pa algun di e barconan aki drenta.
Kico ta drenta Corsou
Fruta y Berdura ta drenta Corsou atrabes di e barconan aki. E ultimo barconan, principalmente tabata tambe pa suministra supermercadonan local, esta Groothandel. E parti di kleinhandel, cual ta conoci como Mercado flotante, ta bezig ta wak na ki manera lo sigui cu esaki. Gobierno a tuma un decision cu kier probeha di e oportunidad aki pa bin cu un desaroyo eynan cu ta mucho mas local, mucho mas genuino culturalmente y kisas mas turistico.
Den esey mester wak e ora ey un upgrading cu lo tuma luga awor aki. E ministerio di desaroyo economico lo inverti riba e mercado y a tene tambe sesionnan cu empresarionan local cu kier yega na remarca. Ta mas of menos 400 persona local a demostra interes pa tin un negoshi eynan. Awor aki lo bay tene tambe dialogonan cu diferente stakeholder pa wak kico kier como Corsou prome cu sigui. Ta pesey cu acomoda e barconan aki na e otro banda na Kleine Werf, mientras tanto cu ta desaroyando e modelo con lo kier sigui cu e waf actual.
