Diaranzon a haya decision den e veredicto di sr. Michael Raymond, contra un otro medio di comunicacion, cual ta riba internet, esta masnoticia.com.
Dia cu sr. Raymond a acerca e bufete di abogado David Kock, a sali un publicacion cu a crea e impresion cu e tabata envolvi den iregularidadnan den Serlimar, pa loke ta contractonan cu tabata tin pa cierto servicionan cu Serlimar ta paga apart.
Segun abogado Kock, a kere cu e caso aki lo tabata basta cla. A prepara prome un carta pa e instancia, manda bis’e y bisa cu loke nan a publica loke no tabata klop pa rectifik’e, y pa nan, cos a caba. Sin embargo, ta asina cu reaccion riba dje tabata eigenlijk haci cos pio ainda. Aunke cu a manda carta, indicando cu e contractonan, cual ta wordo referi, no tin nada di haber cu sr. Raymond, a wordo haci comosifuera cu esey tabata e contractonan di sr. Raymond.
No a keda nada otro pa cuminsa cu un kortgeding na corte. Durante tratamento di e caso, na opinion di hues, y tambe por a lese den sentencia, e ponencianan di masnoticia.com no por a wordo ningun manera substancia. E acusacion tabata totalmente kiboca. Interesante si tambe den e uitspraak, fuera pa e ciente hopi positivo, cu e media eynan mester rectifica, manera cu a solicita. Ta asina cu e ta ilustra dos cos. Unda por tin un opinion mescos cu cualkier ciudadano, pero tambe tin cosnan cu ta hechosnan. Awo riba un opinion, amenos cu ta demasiado farfetched, hopi biaha bo no por bay pidi un rectificacion di un opinion. Esey ta loke un persona ta sinti of pensa riba algo.
Pero ora bo ta bin acusa hende di cierto hechonan cu no ta cuadra, bo tin cu coregi esakinan. E ponencia tabata cu esey ta loke terceronan ta bisa. Esaki a yega di pasa den pasado. Ta bon pa ripiti esey, cu cualkier instancia, media por ehempel, manera un corant, of un website di noticia, radio, loke sea, cu ta djis laga otro hende bisa algo of otro hende suministra nan cu cierto informacion, no por djis bisa cu esey tabata e otronan cu tabata haci’e, ta nan tin cu pak aan. Cada instancia tin su mesun responsabilidad pa mira cu loke ta wordo publica no inecesariamente ta atacha e bon nomber di terceronan.
Den e sentido ey, tabata un veredicto pa Raymond hopi positivo. E instancia tin cu rectifica manera cu a wordo pidi y sino tin un boet cu ta core. Aunke cu segun Kock ta kere. cu esey no lo bay yega asina leu, cu e djis lo wordo rectifica.
Pa Raymond, esaki ta un rectificacion. Rectificacion ta pidi den un kortgeding. Si ta pidi un daño y perhuicio, esey tin cu pasa den un caso normal. E ta keda na e cliente. Lo sinta cun’e, pa si p’e tambe e ta laga e cos aki, te aki of no. Ta depende di dje y no di e bufete.
