Gobierno ta haci un apelacion na pueblo pa tene cuenta cu proceduranan pa e normal nobo pa evita plamamento di COVID-19. A bini cu Protocol pa tur sector, sinembargo a keda constata cu tin departamentonan di Gobierno mes cu no ta mantene nan mes na reglanan di distanciamento social y higiena.
E situacion reinante na Centro di Detencion di Guarda Nos Costa y e falta di conexion aereo cu Venezuela principalmente, a pone cu a laga cierto cantidad di personanan cu ta kedando ilegal riba e isla, den libertad y mester firma na e centro tur mainta pa 10’or.
Ta sumamente lamentabel di mira con e gruponan cu mester bay firma tur mainta, ta yega ey na na mesun momento, y no ta mira cu tin mantencion di distancia social. E problema, segun 24ora.com por a compronde, ta pidi pa yega 10’or di mainta, pero ta cuminsa cu e procedura te 11.30, lagando e hendenan para tur e momento ey den e solo y montonando riba otro.
Hopi hende y personal no tin mondkapjes bisti. Pero tambe por constata cu ta uza un pen pa tur hende cu presenta e mainta ey pa firma. Pero nan a constata tambe cu despues di ta acudi pa algun luna pa firma tur dia, no por haya bek e otro fechanan cu a firma. E blachinan ey no ta aparece. Facilmente por bisa cu un di e personanan no a cumpli cu regla pa pasa firma tur mainta.
Ta un situacion cu mester bini un control riba dje, segun algun ciudadano a denunca.
