Aunke cu for di luna di maart cu Coronavirus a yega Aruba y cu a tuma tur medida interno entre e Bomberonan, toch awe mainta Comandante di Cuerpo di Bombero Aruba, ing. Edward de Cuba, mester a confirma un prome caso positivo di un colega Bombero di dje. El a confirma cu a isol’e mesora pa evita contagio den e cuerpo bomberil.
Cu si otro bomberonan a bay test of ta den cuarentena, e no a bisa. Parce cu e Bombero cu a test positivo ta traha den Centro di Alarma 911. Ta un di esunnan cu ta haya e prome yamadanan di emergencia diariamente. No ta traha cu hopi colega eyden, pues e chens pa contagio ta limita.
Ayera Cuerpo Policial a confirma nan prome dos casonan y awe a toca turno na Cuerpo di Bombero. Casonan positivo entre frontliners ta debilita e grupo di persona cu ta e promenan yama pa brinda asistencia. Pero, manera por mira’ki, Covid-19 no ta discrimina.
