Diahues anochi alrededor di 7:00 pm polis a presenta den Chuchubistraat p’un problema di pareha. Un discusion entre e homber y muhe a termina cu presencia di polis.
Un situacion cu por a termina na un forma mucho mas madura. E auto di e homber tabata para den cura di e hende muhe y na momento cu e kier a bay cu su auto, e hende muhe no a permitie.
A pidie na mas cu un ocasion pa sali for di su cura di cas. Ora polis a yega, ta parce cu e hende muhe a haya mas briyo.
El a cuminsa graba e polisnan y grita nan pa sali for di su cu cura di cas y cu urgencia mirando cu nan no tin un ordo di fiscal pa ta den su cura. Cos a medio calma pero na dado momento e buchi di e polisnan a yena ora e hende muhe a cuminsa insulta na ordo di dia.
A deten’e y bay cu ne direccion di warda di polis caminda lo present’e dilanti un subfiscal kende lo dicidi sea riba encarcelacion of libertad.
