Despues di tabata dos dia na Aruba, diaranson mainta Rey Willem-Alexander, Reina Maxima y Prinses Amalia a sali pa Corsou riba e barco di Defensa Hulandes, Zr.Ms. Holland. Pero na caminda e barco a hay’e confronta cu problemanan tecnico, pa cual nan por a nabega riba solamente un propeller. Esaki tabata tin su consecuencia pa e speed riba cual tabata nabega.
Door di esey tambe Zr.Ms. Holland a drenta St. Annabaai te cu 6:00pm, na unda cu a lansa 35 ‘saluutschot’ y a contesta esakinan. Despues e barco Zr.Ms. Holland a ancra den e Mattheywerf na Otrobanda. Esaki a tuma luga pa mas o menos 6:30pm.
Abordo a tuma luga un charla tocante e despliegue di Ministerio di Defensa den Caribe, sigui pa un recorido y demostracion di e barco.
Na su yegada den St. Annabaai na Willemstad, Su Excelencia Gobernador di Corsou, Lucille George Wout a ricibi e Famia Real despues di cual a sigui un ceremonia di bonbini na Corsou