Power FM dunando apoyo na deporte di Aruba, recientemente a haci dos donacion. E instancianan deportivo ta Fundacion Kayak Aruba y 297 Soccer Academy. Ralph Maduro y Ruben Garcia a ricibi representante di e dos instancianan pa haci e donacion na nan.
Prome a toca Ruben Garcia pa haci donacion na Fundacion Kayak Aruba cu ricibi su check di 7 mil 563 florin. Fundacion Kayak Aruba ta dedica na hobennan cu ta gusta e deporte di kayak y ta contribui den e muchanan desaroyo y diciplina riba lama. For di tempo cu a cuminsa cu e fundacion e prome kayak nan tabata segunda mano y awor ta tempo pa reemplaso segun representante di e fundacion. Di parti Fundacion Kayak Aruba nan ta hopi contento y gradici cu e donacion y sigur lo bay haci bon uzo di dje na bienestar di e hobennan pasobra e interes ta grandi den e deporte aki.
h
Mesora Ralph Maduro a sigui cu e di dos donacion cu a bay pa 297 Soccer Academy. Un suma di 2 mil florin a keda presenta na nan cu por yuda pa cumpli cu e proyectonan di Soccer camp cu ta organisa. Segun e representante pa organisa un evento sin donacion y sponser ta dificil haci esaki. E eventonan cu ta organisa ta yuda e muchanan den nan desaroyo di futbol pero tambe have fun na un manera sano den nan vakantie. Na december awor 297 Soccer Academy ta bay cumpli 1 aña di existencia y nan tin como 60 mucha registra na e academia. Pa cumpli cu e cantidad di mucha tin dos localidad di cual uno ta na Playa y otro na Savaneta. E edad di e muchanan ta di 4 pa 15 aña unda ta yuda nan cu e tecnico basico pa nan desaroyo. Tur club cu kier haya ayudo pa nan hungado por haya training extra por acudi serca nan. E idea ta pa cuminsa cu e muchanan for di chikito pa asina poco poco futbol di Aruba crece y crea futbolistanan grandi.
Di e forma aki Power FM a haci donacion pa engrandece e mundo deportivo di Aruba.
