E campeonato di Division Uno 2018/2019 a yega su final, unda cu e team di SV Independiente Porto Caravel a sali campeon y a subi pa Division Honor. Joshua Kirchner di SV Independiente Porto Caravel ta e MVP di Division Uno y Arubaanse Voetbal Bond (AVB) ta orguyoso cu e resultado di e campeonato.
Pa SV Independiente Porto Caravel di a gana e campeonato di Division Uno y subi pa Division Honor tabata un logro hopi grandi. Nan a prepara basta largo, asina Ivan David Puriel, coach di SV Independiente Porto Caravel, a indica. E campeonato aki tabata uno largo y a prepara ful p’e campeonato aki.
A train dos pa tres biaha pa siman y simplemente e preparacion lo sigui. Awo nan lo bay un vakantie chikito, pero despues e preparacion lo sigui mas duro. Nan deseo ta pa logra gana Copa Betico un biaha mas, pero tambe ta bay p’e clasificacion di play-off.
SV Independiente Porto Caravel ta un team forma pa hungadonan di Porto cu a join Caravel y hunto nan a subi pa Division Honor. Caravel tin basta aña di no a forma parti di Division Honor y awo t’ey bek.
