Diabierna atardi a habri ambos Wilhelminastraat y Columbusstraat! Un area vibrante di revitalisacion urbano den centro di Oranjestad, como parti di e proyecto general di revitalisacion di Oranjestad.
Aki ta demostra e trabou avansa na e crusada, ampliando facilidad di accesibilidad y un parkeerplaats espacioso. “E atmosfera ta uno di anticipacion y optimismo, cu sigur lo transforma den oportunidad nobo di prosperidad pa comercio den e area”, segun minister Wever.
Minister Geoffrey Wever kier a gradici tur hende envolvi, incluyendo DOW, Arubaanse Wegenbouw, y especialmente tur comerciante den e area pa nan pasenshi. Alabes e mandatario a ofrece palabra di disculpa un bes mas pa e retrasonan imprevisto, pero a bisa di ta sumamente contento cu tin “light at the end of the tunnel”.
E proyecto aki a conoce varios reto, entre otro, e cantidad di klinkers cu no tabata suficiente y mester a yega otro cargamento yega. Den tur e tempo cu e proyecto ta andando, el a percura pa hopi contratiempo pa e automobilistanan.
