Aruba Food and Beverage Association (AFBA) ta anuncia cu orguyo e incorporacion di Miriam Dabian na su team di maneho como Director di Operacion (COO). Miriam ta bin cu un gran experiencia y un historial estelar, despues di a dedica casi cuater decada na Aruba Tourism Authority (ATA) y e diferente funcionnan dentro di e sector turistico.
Miriam a cuminsa su carera riba Dia Internacional di Hende Muhe, dia 8 di maart 1983 na ATA, caminda cu el a ocupa diferente cargo y a dirigi diferente proyecto di gran impacto. Den un reciente comunicado titula “Closing Cycles,” Miriam a reflexiona riba su retiro, enfatisando riba e importancia di gratitud y autoreflexion na momento di a despedi di un capitulo satisfactorio cu ta cubri 40 aña.
Miriam a cuminsa cu su aventura na Colombia, unda el a studia Hoteleria y Turismo y a incorpora den ATA na Colombia despues di a finalisa su estudionan na 1982. Su dedicacion a hib’e na converti den e director na Colombia despues di cuater aña. Mas despues el a traslada pa Aruba, caminda cu el a traha pa mas di un decada y a establece e oficina di Evento Special. Su perspectiva global a amplia durante su mandato di cinco aña como Director Adhunto di Mercadeo di ATA rond mundo.
E carera di Miriam a hib’e Caracas, caminda cu el a dirigi Latino America y Venezuela durante dies aña, aportando un toke creativo na diferente proyecto. Cu su pasion pa unifica Latino America, Miriam a logra racionalisa e operacionnan di ATA, consolidando strategia y mensahe bao di un sede regional.
Awo hubila, Miriam ta sigui ta ambicioso y a funda MD Marketing & Consultancy, cu e obhetivo di yuda e empresanan den nan esfuerso di crecemento na Latino America. Su biahe a crusa cu AFBA, caminda cu e ta asumi e papel fundamental di COO.
Miriam ta concebi AFBA como un faro di balor pa su miembronan, defendiendo su interesnan y inspirando e proximo generacion di profesional di Horeca. Su vision global ta inclui e posicionamento di AFBA a traves di aliansa strategico cu e asociacionnan internacional, aportando perspectiva nobo n’e panorama local.
Mas leu di su actividadnan profesional, Miriam ta disfruta decorando, cushinando y apreciando KDramas. AFBA ta duna Miriam Dabian un caluroso bonbini y ta spera un futuro di exito comparti.
Pa cualkier consulta, tuma contacto cu Miriam Dabian na [email protected] of via 7482900. Bonbini abordo, Miriam y pa un prospero biahe hunto.
Pa mas informacion riba nos asociacion, bishita arubafoodandbeverageassociation.org.
