Lider di Partido POR, alabes Minister di Infrastructura y Medio ambiente y tambe Vice-Prome minister, Otmar Oduber, tambe a tene su discurso, despues cu nan a wordo introduci oficialmente durante di un evento cultural cu a tuma luga diabierna anochi na Plaza Betico Croes.
El a gradici Prome Minister Evelyn Wever-Croes pa henter e proceso cu a hiba durante e ultimo simannan. Por ta hopi hende a cuestiona, por ta hopi hende a puntra, con por ta posibel. Pasobra e ta un realidad cu ta bin for di polonan por ta cu no ta di e mesun direccion. Loke a siña durante e ultimo simannan, ta cu por comberti diferencianan den oportunidadnan grandi pa un pueblo y pesey e tres partidonan ta uni den un coalicion hunto cu partido RED, hunto cu sr. Ricardo Croes, kende el a gradici nan tur dos pa e simannan di deliberacionnan cu tabata tin, di e respet grandi y mutuo cu tabata tin, cu tin cu forma e base tambe di un gobernacion cu tin cu traha pa e pueblo aki den e proximo cuater añanan, plus, manera cu Oduber a bisa na diferente ocasion.
Oduber a expresa tambe cu nan conoce otro for di prome, pero e bond cu tabata tin durante e ultimo simannan, haciendo wega, haciendo joke, pero parando y mirando riba un horizonte di unda kier hiba e pais aki, dicon kier mira cu e ser humano cu pa hopi aña tin cu bisa, su mes a para hopi cerca y no tabata mira, ta haya e atencion, di por haya un vivienda. Peticionnan cu tabata tin na cantidad. Un salubridad, caminda cu e pashent, e pueblo ta central. Un educacion, caminda cu nos hobennan, nos mayornan, tur tin e mesun oportunidad, no importando di cua bario nan ta bin, of na cua scol nan por afford pa pone nan yiu. Cu no ta importante cua deporte ta practica, pero e importante ta, cu no ta riba caya y ta haciendo algo sano.
E balor humanonan aki, e esencia di loke Arubiano ta para p’e y e necesidad cu mester tin pa pone un plataforma solido pa no nos, sino pa nos futuro generacion a pone cu despues di dia 22 di September, e tres partidonan cu ta constela e Gobierno awe, a conoce un ganashi, a conoce un adelanto di sosten, di confiansa den comunidad y pesey e compromiso di parti di e tres partidonan, di Otmar Oduber, su colega Andin, e miembronan di parlamento y ta bay forma parti y lo yuda den e constelacion aki di partido POR, ta compromete cu pueblo di Aruba, pa sostene tanto RED y MEP y tur colega, pa un Gobierno di cuater aña solido, cu plus despues di esey y cu ta sigui traha pa e pueblo di Aruba.
