Desde algun dia caba ta tumando luga e campeonato internacional di Beach Tennis riba Eagle Beach na Aruba. Pero awe diasabra merdia e bista tabata particular.
Algo rond di 1:00pm, cu un tempo particular e ultimo dianan cu biento birando di direccion y awasero cayendo constant, a presenta e fenomeno di “hos” cu tabata bebiendo riba lama.
E imagen adhunto ta mustra con e bista tabata, den cual por nota un grupo di hende para canto di laman ta aprecia e fenomeno di mama naturalesa, otronan kisas spanta pa su consecuencianan si e subi tera, mientras e hungadonan leto bay compitiendo den e torneo di Beach Tennis comosifuera nada ta pasando. Pa nan e ora ey e wega ta mas importante cu tur otro cos.
Te ainda no tabatin ningun indicacion di dañonan na tera haci dor di hos. Ta mustra cu el a forma riba laman y a keda riba laman tambe.
