Esaki a bira manera pan di tur dia awo! E ta un menasa grandi pa e casnan den cercania. Mondi na candela ta bolbe pone e bomberonan den accion awe dialuna.
Esaki a sosode un poco despues di 8:00 am ora cu a bati alarma pa un candela di mondi cu posibilidad di expande. Yerba y sushedad na candela a pone habitante den a area riba alerta. Parti patras di Ponton 16K a mira muha na bay halto.
Un bon amigo di cas a tuma nota di e huma saliendo for di e direccion di e cas y a bay tira bista y a constata cu e candela ta hopi cerca di e cura di e cas. E candela tabata menasa e cas y mesora el a tuma contacto cu tanto propietario di cas como brandweer.
E no a basila pa drenta cura, pasa man pa slang y cuminsa basta awa riba e candela, mientras brandweer tabata na caminda. Na yegada a domina e candela y asina un cas mast a scapa di resulta kima pa candela di mondi. Fenomeno creciente den diferente area di nos isla.