Dilanti Linear Park riba L.G.Smith Boulevard awe mainta a sosode otro accidente debi na caminda muha. Ambos auto pickup a bay dal un tras di otro lagando caba un di nan cu basta gasto awo.
Esaki a tuma luga den e mes un momento cu e otro accidente dilanti rotonde di aeropuerto, esta den careda di 8:30am. No tabatin hende herida pero si algun daño material.
E accidente tabata entre e Pickup Isuzu (A-11655) y e otro pickup Toyota Hilux (A-63578) cu ta esun cu a resulta cu mas daño riba dje.
E tiki awasero cu a cay den ora di mainta a pone basta chauffeur riba nan tenchi y cuminsa core mas cauteloso na momento cu accidente a cuminsa sosode un tras di otro.