Diaranson y diahuebs anochi patruyanan di San Nicolas a pasa mustra nan presencia na diferente area pariba di brug. Esaki pa pone e hendenan cumpli cu e reglanan poni door di Crisisteam di DVG.
Diahuebs un poco despues di 10’or di anochi nan a cuminsa core rond, debi na e tantisimo kehonan cu ta haya di fiestanan clandestino y no cumplimento di ora di ciere. Den e prome parti di nan accion, prome cu ora di ciere, a controla riba aglomeracion mas tanto.
Nan a pasa den Rembrandtstraat, Sint Maartenstraat, despues a bay banda di Subway Cura Cabay y diferente otro areanan publico.
A haci uzo di autonan di patruya y vehiculo di transporta por si acaso topa cu personanan cu no kier sigui cu ordo. Na diferente punto a topa grupo di persona aglomera y ordena nan pa bay for di e sitio. A recorda cu no por aglomera ni riba parkeerplaats ni riba beach.
Na final e accion a bay bon y no tabatin detencion.
